煩話家常 (2) -- 只愛偷看別人的報紙

凡人: 你做乜成日要望我份報紙啫?!

煩人: 睇新聞囉~

凡人: 咁其實份報紙係免費，你可以自己拎一份去睇吖!

煩人: 咁又點同呢。 

          除左果一種偷閱既快感….你唔覺得…我地一齊睇同一份報紙好有親密感 咩?

凡人: ……….唔覺得。

煩人: 就好似當我地一齊睇緊同一則新聞果陣，

          同一視線同一呼吸頻率同一慨嘆聲都比到我地一個感覺，

          就好似不約而同咁企埋同一陣線對件事。大家頓時好有一種互相認同感咁樣。

凡人: ……….

煩人: 個感覺就好似大家係自己友，”香港是我家”既情感就湧出嚟啦。

凡人: 你會唔會諗多咗?

煩人: 你諗吓，就好似大家共同傳 “悅” 自己鍾意既AV咁，

          你都會抱住 “自己友嘛! 益你!” 咁個心態啦。

          獨樂樂不如眾樂樂，你都會特別覺得warm架~

凡人: …….我要落車啦. 份報紙送比你去眾樂樂啦。